3வது டி20 போட்டியிலும் வெற்றி: வெஸ்ட் இண்டீசை ஒயிட்வாஷ் செய்தது வங்கதேசம்

• வெஸ்ட் இண்டீஸ் 109 ரன்களுக்கு ஆல் அவுட்டானது.

• வங்கதேசம் சார்பில் ரிஷாத் ஹொசைன் 3 விக்கெட் வீழ்த்தினார்.

WI VS BAN Mehidy hasan

செயிண்ட் வின்செண்ட்:

• வங்கதேச அணி வெஸ்ட் இண்டீசில் பயணம் செய்து 2 டெஸ்ட், 3 ஒருநாள் மற்றும் 3 டி20 போட்டிகள் கொண்ட தொடரில் ஆடி வருகிறது. முதலில் நடந்த டெஸ்ட் தொடர் 1-1 என சமனில் முடிந்தது. ஒருநாள் தொடரை 3-0 என வெஸ்ட் இண்டீஸ் கைப்பற்றியது.

• இதையடுத்து நடந்த டி20 தொடரின் முதல் இரு ஆட்டங்களில் வங்கதேசம் வெற்றி பெற்று தொடரை ஏற்கனவே கைப்பற்றியது.

• இந்நிலையில், இரு அணிகளுக்கும் இடையிலான 3வது டி20 போட்டி நேற்று நடைபெற்றது. டாஸ் வென்ற வங்கதேசம் பேட்டிங் தேர்வு செய்தது.

• அதன்படி, முதலில் பேட்டிங் செய்த வங்கதேசம் நிர்ணயிக்கப்பட்ட 20 ஓவரில் 7 விக்கெட்டுக்கு 189 ரன்கள் எடுத்தது. ஜேகர் அலி 72 ரன்கள் எடுத்தார்.

• வெஸ்ட் இண்டீஸ் சார்பில் ரொமாரியோ ஷெப்பர்ட் 2 விக்கெட் வீழ்த்தினார்.

• 190 ரன் எடுத்தால் வெற்றி என்ற இலக்குடன் ஆடிய வெஸ்ட் இண்டீஸ் அணி, வங்கதேசத்தின் பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டுகளை இழந்தது.

• அந்த அணியின் ரொமாரியோ ஷெப்பர்ட் ஓரளவு தாக்குப்பிடித்து 33 ரன்கள் எடுத்தார்.

• இறுதியில், வெஸ்ட் இண்டீஸ் அணி 16.4 ஓவரில் 109 ரன்களுக்கு ஆல் அவுட் ஆனது. இதன்மூலம் 80 ரன் வித்தியாசத்தில் வங்கதேசம் அபார வெற்றி பெற்றது.

• வங்கதேசம் சார்பில் ரிஷாத் ஹொசைன் 3 விக்கெட் வீழ்த்தினார். இதன்மூலம் 3 போட்டிகள் கொண்ட டி20 தொடரை 3-0 என வங்கதேசம் முழுமையாக கைப்பற்றி அசத்தியது.

• ஆட்ட நாயகன் விருது ஜேகர் அலிக்கும், தொடர் நாயகன் விருது மெஹிதி ஹசனுக்கும் வழங்கப்பட்டது.

  #WI VS BAN #Mehidy hasan #Tamilpublicnews