ஆஸ்திரேலியாவுக்கு எதிராக 100-வது போட்டி- 2-வது இந்திய வீரராக சாதனை படைத்த கோலி

• ஆஸ்திரேலியா - இந்தியா அணிகளுக்கு 3-வது டெஸ்ட் போட்டி இன்று தொடங்கியது.

• டெஸ்ட், ஒருநாள், டி20 ஆகிய 3 வகையான கிரிக்கெட்டையும் சேர்த்து 100 சர்வதேச போட்டிகளில் விராட் விளையாடியுள்ளார்.

AUS VS IND Virat kohli Sachin tendulkar

• ஆஸ்திரேலியா - இந்தியா அணிகளுக்கு இடையேயான 3-வது டெஸ்ட் போட்டி பேர்ஸ்பேன் மைதானத்தில் இன்று தொடங்கியது. இதில் டாஸ் வென்ற இந்தியா பந்து வீச்சை தேர்வு செய்தது. அதன்படி ஆஸ்திரேலியா பேட்டிங்கை தொடங்கியது. 13.2 ஓவரில் மழை குறுக்கிட்டதால் ஆட்டம் பாதிக்கப்பட்டது.

• இந்நிலையில் இந்தப் போட்டியில் களமிறங்கியதன் மூலம் ஆஸ்திரேலியாவுக்கு எதிராக தனது 100-வது சர்வதேச போட்டியில் விராட் கோலி விளையாடி சாதனை படைத்துள்ளார். அதாவது டெஸ்ட், ஒருநாள், டி20 ஆகிய 3 வகையான கிரிக்கெட்டையும் சேர்த்து ஆஸ்திரேலியாவுக்கு எதிராக அவர் 100* சர்வதேச போட்டிகளில் விளையாடியுள்ளார். இதன் வாயிலாக ஆஸ்திரேலியாவுக்கு எதிராக 100 போட்டிகளில் விளையாடிய 2-வது இந்திய வீரர் என்ற சாதனையை அவர் படைத்துள்ளார்.

• முதல் வீரராக ஜாம்பவான் சச்சின் டெண்டுல்கர் ஆஸ்திரேலியாவுக்கு எதிராக 110 போட்டிகளில் விளையாடி அந்த பட்டியலில் முதலிடத்தில் உள்ளார். 

#AUS VS IND #Virat kohli #Sachin tendulkar #Tamilpublicnews