நீர்மட்டம் 119.53 அடியாக உயர்வு- மேட்டூர் அணைக்கு நீர்வரத்து அதிகரிப்பு

• நீர்வரத்து இன்று 2 ஆயிரத்து 331 கனஅடியாக அதிகரித்து காணப்படுகிறது.

• தற்போது அணையில் 92.72 டி.எம்.சி. தண்ணீர் இருப்பு உள்ளது.

Mettur dam

சேலம்:

• மேட்டூர் அணை மூலம் ஏராளமான கூட்டு குடிநீர் திட்டப்பணிகளும், பாசனத்துக்கும் தண்ணீர் பயன்படுத்தப்பட்டு வருகிறது. இந்த நிலையில் தென்மேற்கு பருவமழை தீவிரம் காரணமாக நீர்வரத்து அதிகரித்து இந்த ஆண்டில் அணை 2 முறை நிரம்பியது. தொடர்ந்து நீர்வரத்தை விட அதிகளவில் பாசனத்துக்கு தண்ணீர் திறக்கப்பட்டதால் அணையின் நீர்மட்டம் 100 அடிக்கு கீழே குறைந்தது.

• தொடர்ந்து வடகிழக்கு பருவமழை காரணமாக மேட்டூர் அணைக்கு மீண்டும் நீர்வரத்து கணிசமாக அதிகரித்து வருகிறது. அணைக்கு வரும் தண்ணீரை விட குறைந்த அளவிலேயே பாசனத்துக்கு தண்ணீர் திறக்கப்பட்டு வருவதால் அணையின் நீர்மட்டம் மெதுவாக உயர்ந்து வருகிறது.

• இன்று காலை நிலவரப்படி மேட்டூர் அணையின் நீர்மட்டம் 119.53 அடியாக இருந்தது. அணைக்கு நேற்று வினாடிக்கு 1960 கனஅடியாக இருந்த நீர்வரத்து இன்று 2 ஆயிரத்து 331 கனஅடியாக அதிகரித்து காணப்படுகிறது. அணையில் இருந்து டெல்டா பாசனத்துக்கு வினாடிக்கு 500 கனஅடியும், கிழக்கு, மேற்கு கால்வாய் பாசனத்துக்கு வினாடிக்கு 300 கனஅடி தண்ணீர் திறக்கப்பட்டு வருகிறது. தற்போது அணையில் 92.72 டி.எம்.சி. தண்ணீர் இருப்பு உள்ளது.

#Mettur dam #Tamilpublicnews